யாழ் மாவட்ட பொதுமக்களின் வாழ்க்கை நிலைமை வாழ்வாதாரம் மற்றும் நிவாரணம் வழங்குதல் உள்ளிட்ட பல்வேறு விடயங்கள் தொடர்பாக விஷேட கலந்துரையாடல் ஒன்று அமைச்சர் டக்ளஸ் தேவானந்தா அவர்களின் தலைமையில் இடம்பெற்றது. ஜனாதிபதி தலைமையில் இடம்பெற்ற அமைச்சரவை தீர்மானத்தின் முடிவிற்கமையவே இக்கலந்துரையாடல் இடம்பெற்றது.

தற்போது யாழ் மாவட்டத்தில் வழங்கப்படும் சமுர்த்தி நிவாரணம் இடம்பெயர்ந்தோர் நிவாரணம் மற்றும் உலக உணவுத்திட்ட நிவாரணம் என்பனவற்றில் சமச்சீரற்ற நிலைமை காணப்படுவது முக்கிய விடயமாக அவதானிக்கப்பட்டுள்ள நிலையில் ஏற்றத்தாழ்வுகளற்ற உலக உணவுத்திட்ட நிவாரணத்திற்கு ஈடானவகையில் நிவாரணம் வழங்கவும் ஏனைய இழப்பீடுகளை வழங்க சிபார்சு செய்யப்பட்டுள்ளது. இவ்விடயத்தில் யாழ் மாவட்டத்தில் தற்போது நிலவும் அசாதாரணமான சூழ்நிலையினை முன்னிட்டு விஷேட ஏற்பாட்டின்கீழ் இந்நடவடிக்கை மேற்கொள்ளவும் தீர்மானிக்கப்பட்டுள்ளது.

மேற்கூறிய விடயங்களை கவனத்தில் எடுத்து வறுமையிலும் வறுமையாக உள்ள மக்களை முக்கியமாக கவனத்தில் எடுத்தும் சமுர்த்தி நிவாரணம் இடம்பெயர்ந்தோர் நிவாரணம் தொழில் ரீதியாக பாதிக்கபட்டோர் நிவாரணம் ஆகியோரே கணிசமாக உள்ள நிலையில் யாழ் மாவட்டத்தில் நிலவும் அசாதாரணமான நிலைமையினை கருத்திற்கொண்டும் ஏற்றத்தாழ்வுகளற்ற விஷேட நிவாரணம் வழங்குவதற்கு பரிந்துரை செய்வதாக அமைச்சரவை முடிவிற்கமைய யாழ் மாவட்ட பொதுமக்களின் வாழ்வாதாரம் குறித்து அமைச்சர் டக்ளஸ் தேவானந்தா அவர்களின் தலைமையில் திறைசேரியில் இடம்பெற்ற முக்கிய கலந்துரையாடலில் முடிவு செய்யப்பட்டுள்ளது.

அமைச்சர் டக்ளஸ் தேவானந்தா அவர்கள் தலைமையில் இடம்பெற்ற இக்கலந்துரையாடலில் மீள்குடியேற்ற அனர்த்த முகாமைத்துவ அமைச்சு தேச நிர்மாண அமைச்சு சமூகசேவைகள் மற்றும் சமூக நலத்துறை அமைச்சு ஆகிய அமைச்சுக்களின் செயலாளர்களும் திறைசேரி உள்ளிட்ட அமைச்சு உயர் அதிகாரிகளும் பங்குகொண்டமை குறிப்பிடத்தக்கது.

In accordance with a decision taken by the cabinet headed by President Mahinda Rajapakse, a meeting chaired by Minister Douglas Devananda was held in the treasury to discuss regarding the livelihood, situation and the relief works of the Jaffna peninsula. 

The secretaries of Rehabilitation and Disaster Management Ministry, Nation Building Ministry, Social Services and Social Welfare Ministry, Treasury and key officials of treasury participated in this meeting.