* தமிழ்  சினிமா*

*ஜோ‌திட‌ வார பலன்*

நெடுந்தீவில் புதிய மின்பிறப்பாக்கி மூலம் மின் விநியோகத்திட்டம் ஆரம்பித்து வைக்கப்பட்டுள்ளது.

கடந்த யூன் மாதம் ஈபிடிபியின் செயலாளர் நாயகமும் சமூக சேவைகள் மற்றும் சமூகநலத்துறை அமைச்சரும் வட மாகாண விசேட செயலணியின் தலைவர் டக்ளஸ் தேவானந்தாவை அவரது யாழ் அலுவலகத்தில் சந்தித்த நெடுந்தீவு பிரதேச பொது அமைப்புக்களின் பிரதிநிதிகள் இப்பகுதிக்கு மின்சார வசதியை ஏற்படுத்தி தருமாறு விடுத்த கோரிக்கைகளுக்கு அமைய அமைச்சர் அவர்கள் எடுத்த முயற்சியின் காரணமாக குறுகிய காலத்துக்குள் நெடுந்தீவு பிரதேசத்துக்கு புதிய மின் விநியோகத்திட்டம் ஆரம்பித்து வைக்கப்பட்டுள்ளது.

இதன் ஆரம்ப வைபவம் நேற்று இடம்பெற்றபோது இதனை வைப ரீதியாக அமைச்சர் அவர்களின் பிரதிநிதியும், சமூகசேவை அமைச்சின் யாழ். மாவட்ட இணைப்பதிகாரியுமான சில்வேஸ்திரி அலன்ரின் (உதயன்) ஆரம்பித்து வைத்தார். இந்நிகழ்வில் சிறப்பு விருந்தினராக இலங்கை மின்சார சபையின் முகாமையாளர் முத்துரெத்துனாந்தனும் கலந்து கொண்டார்.

அமைச்சர் அவர்களின் அயராத முயற்சியினால் நெடுந்தீவு வாழ் மக்கள் இன்று சீரான மின்விநியோகத்தை பெறும் வாய்ப்பு கிட்டியுள்ளதாகவும் இதற்கு அனைவரும் அமைச்சர் அவர்களுக்கு நன்றி தெரிவிக்க கடமைப்பட்டுள்ளதாகவும் இந்த நிகழ்வில் கலந்து கொண்ட மக்கள் பிரதிநிதிகள் கருத்து தெரிவித்தனர்.

கொழும்பு றோயல் கல்லூரியின் வருடாந்த நாடக விழாவுக்கு மகேஸ்வரி நிதியத்தால் நிதி உதவி இன்று வழங்கப்பட்டது.

கொழும்பு றோயல் கல்லூரியின் வருடாந்த நாடக விழாவை சிறப்பாக நடத்துவதற்கு நிதி உதவி வழங்குமாறு மாணவர் சங்கப் பிரதிநிதிகள் விடுத்த வேண்டுகோளுக்கு இணங்க அமரர் மகேஸ்வரி நிதியத்தினால் உதவு தொகைக்கான காசோலை ஈபிடிபியின் செயலாளர் நாயகமும், சமூகசேவைகள் மற்றும் சமூகநலத்துறை அமைச்சருமான டக்ளஸ் தேவானந்தா அவர்களால் இன்று வழங்கப்பட்டது.